Nazeer Siddiqui
halat ab to itne dushvar ho ga.e hain
ham nim-shab men akasr bedar ho ga.e hain
jo log sada-dil the purkar ho ga.e hain
ab aadmi ke rishte dushvar ho ga.e hain
ye zindagi ki ne.amat kis ko nahin hai pyari
mat puchh is se ham kyuun bezar ho ga.e hain
usrat men jin ka sheva kal tak tha ḳhud-faroshi
daulat ke milte hi vo ḳhuddar ho ga.e hain
dushman ko ho gaya hai andaza kuchh hamara
dushman se ham bhi lekin hoshyar ho ga.e hain
matam nahin munasib ab jaan ke jahan ka
dasht-e-talab ke raste hamvar ho ga.e hain
Leave a Reply