Poet
murgh zirak aql ka hai ishq ka sayyad shoḳh
aql hai bisyar shirin ishq ka farhad shoḳh
aql apne daam men karta hai kul aalam ko qaid
band aur zanjir suun nit ishq hai azad shoḳh
aql bujha ashiqan sab vajibuttazir hain
qatil-e-aql-o-fahm hai ishq ka jallad shoḳh
aql ko sab mulk men hai daad insaf-o-adal
kya nihayat ishq ka hai badshah be-dad shoḳh
fahm aur fikrat men apni aql gar faulad hai
aab karta hai gala kar ishq ka haddad shoḳh
aql ke mizan men aaya bahr aur bar ka hisab
nahin magar aaya adad men ishq ka ta.adad shoḳh
aql suun jaane guzar tab ashiqan paate hain vasl
ai ‘alimullah’ ajab hai ishq ka irshad shoḳh
Leave a Reply