Usha Bhadoriya
andheri shab men charagh-e-rah-e-vafa dena
ta.alluqat ko nazdik se sada dena
jahan khaḌi huun vahan se palaT nahin sakti
abhi na mujh ko mohabbat ka vasta dena
main bebasi ka saliqa nibha.ungi kab tak
baḌhe jo pyaas charagh-e-sada bujha dena
bujhe bujhe sabhi manzar hain ashna.i ke
mire labon ko koi harf-e-mudda.a dena
umiid haath se daman agar chhuḌane lage
to phir mujhe bhi mire shahr ka pata dena
bhaTak na ja.un kahin gham ki rahguzaron men
nigah-o-dil ko ujalon ka rasta dena
rafaqaton ko jo tanha.iyan satane lagen
udasiyon ko koi rang-e-ashna dena
agar tumhen bhi koi iḳhtiyar mil jaa.e
to phir taḌapte dilon ko kahin mila dena
likhe hain ashkon se lamhat-e-zindagi ‘usha’
unhen kitab-e-mohabbat men tum saja dena
Leave a Reply