Obaidur Rahman
ḳhushbu tire lahje ki mire fan men basi hai
ash.ar hain mere tiri avaz ke saa.e
daadi ki kahani ko taraste hain ye bachche
ankhon men nahin duur talak niind ke saa.e
jab jism par ye jaan ho ik qarz ki surat
allah kisi dushman ko bhi ye din na dikha.e
phir taaza havaon ki pahunch ruuh talak ho
phir pyaar ke mausam ki ghaTa lauT ke aa.e
ḳhat likkhun tumhen yaad karun Thiik hai lekin
kya Thiik mire dil ko qarar aa.e na aa.e
Leave a Reply