Shagufta Shafiq
yarab vo vaqt aḳhiri vaqt-e-dua bhi ho
tauba ka mere vaste ik dar khula bhi ho
dil chahta hai mujh se mile baar baar vo
milne ka baar baar sabab janta bhi ho
mumkin nahin hai roz jo milna hamen nasib
un se kabhi-kabhar sahi rabta bhi ho
us se hi dil lagaya vahi man ka miit hai
allah kare na aur koi ham-nava bhi ho
chahat ke rang us ne jo mujh ko ata kiye
dil sochta tha aise koi chahta bhi ho
us ne pukara phir se hai jis ne kabhi kabhi
dil khol ke bura-bhala ham ko kaha bhi ho
jalve bikhar rahe hain jo husn-o-jamal ke
itne hujum men koi chehra naya bhi ho
us ne kaha hai jab se mira dil nihal hai
pyari ‘shagufta’ tum ho miri dilruba bhi ho
Leave a Reply