yahi bahut hai ki ahbab puchh lete hain
mare ujaḌne ke asbab puchh lete hain
main puchh leta huun yaron se rat-jagon ka sabab
magar vo mujh se mire ḳhvab puchh lete hain
isi gali se jahan aftab ubhra hai
kahan gaya hai vo mahtab, puchh lete hain
ab aa ga.e hain to is dasht ke faqiron se
rumuz-e-mimbar-o-mehrab puchh lete hain
kisi ko ja ke batate hain hal-e-dil ‘nasik’
kisi se hijr ke adab puchh lete hain
Leave a Reply