Husn Ke Ehtiram Ne Mara

husn ke ehtiram ne maara

ishq be-nang-o-nam ne maara

vada-e-na-tamam ne maara

roz ki sub.h o shaam ne maara

larzish-e-dast-e-shauq aah na puchh

laghzish-e-nim-gam ne maara

ishq ki sadgi to ek taraf

shauq ke ehtimam ne maara

allah allah nafas ki aamad o shud

is payam o salam ne maara

ishq marta na apni maut se aah

asshiqan-e-karam ne maara

kaash vo umr-e-ḳhizr ban jaae

jin ḳhayalat-e-ḳham ne maara

main nahin bismil-e-ḳhayyam ‘jigar’

hafiz-e-ḳhush-kalam ne maara

Leave a Comment