KHabar Hi Nahin Kaise angDai Le Kar Nigahen uThae Ki Saghar uThae

ḳhabar hi nahin kaise angḌa.i le kar nigahen uTha.e ki saghar uTha.e

kuchh aisa nasha chha gaya zindagi par sambhalte sambhalte qadam Dagmaga.e

bane husn vaale sarapa qayamat javani jab aa.i to andaz aa.e

gira.i kabhi shoḳh nazron se bijli kabhi sharm aa.i kabhi muskura.e

koi ja ke mere masiha se kah de ḳhuda ke liye aag dil ki bujha de

mohabbat ke sho.ale bhaḌakne lage hain kahin ḳhirman-e-zindagi jal na jaa.e

ho un ka didar qismat se jab bhi ada ho ga.i hai namaz-e-mohabbat

nikal aa.e jab bhi vo parde se bahar nigahon ne jhuk jhuk ke sajde suna.e

suna.e kise apni gham ki kahani kidhar jaa.e vo teri mahfil se uTh kar

nazar ne tiri jis ka dil le liya ho vo qismat ka maara kahan chain paa.e

chaman vaale achchhi tarah jante hain chaman men jo qurbaniyan ham ne di hain

chaman se andhere miTane ki ḳhatir nasheman bana.e nasheman jala.e

na saaqi na botal na hai raqs-e-saghar udasi hai chha.i hui anjuman par

fana-sazon dil se ghazal aisi chheḌo ‘fana’ naach uThe zindagi jhuum jaa.e