sabaq kitab ka pakka nahin kiya main ne
abhi samajhna hai jivan ka falsafa main ne
bujha.i pyaas nahin bas naha liya main ne
liya hai kaam samundar se dusra main ne
bhala vo ankhon se gham ka pata laga.ega kya
pahan liya hai ye chashma jo dhuup ka main ne
hua hai ghair qabile ki ik hasin se ishq
abhi to karna hai mushkil ka samna main ne
kisi mazar pe minnat se us ko paaya hai
ki ek dhage se khincha hai da.era main ne
misalen dete the ustad main samajhta na tha
phir us ke kahne se samjha tha zaviya main ne
nishast hai nahin kah kar ka.i basen chhoḌin
tujhe bachane men kitnon ko kho diya main ne
Leave a Reply