Ashar Najmi
yahan to har ghaḌi koh-e-nida ki zad men rahte hain
tajavz ke bhi mausam men ham apni had men rahte hain
bahut mohtat ho kar saans lena mo’tabar ho tum
hamara kya hai ham to ḳhud hi apni rad men rahte hain
sarab o aab ki ye kashmakash bhi ḳhatm hi samjho
chalo mauj-e-sada ban kar kisi gumbad men rahte hain
saron ke bojh ko shanon pe rakhna mojaza bhi hai
har ik pal varna ham bhi halqa-e-sarmad men rahte hain
Leave a Reply