yaad us ki hai kuchh aisi ki bisarti bhi nahin
niind aati bhi nahin raat guzarti bhi nahin
zindagi hai ki kisi tarah guzarti bhi nahin
aarzu hai ki miri maut se Darti bhi nahin
bas guzarte chale jaate hain mah-o-sal-e-umid
do-ghaḌi gardish-e-ayyam Thaharti bhi nahin
duur hai manzil-e-afaq dukhi baiThe hain
saḳht hai paanv ki zanjir utarti bhi nahin
sun to saa.il nahin ham ḳhak-nashin-e-gumrah
ai saba tu to zara der Thaharti bhi nahin
shaam hoti hai to ik ajnabi dastak ke siva
dil se pahron koi avaz ubharti bhi nahin
zindagi tu bhi koi mauj-e-bala kyuun na sahi
ek hi baar mire sar se guzarti bhi nahin
Leave a Reply