Rauf Khair
patte tamam halqa-e-sarsar men rah ga.e
ham shaḳh-e-sabz men shajar-e-tar men rah ga.e
likh lena is qadar vo safine nahin mire
sahil pe rah ga.e jo samundar men rah ga.e
us lazzat-e-safar ko main ab un se kya kahun
jo saya-ha-e-sarv-o-sanobar men rah ga.e
asar-e-yak-ḳharaba-e-abad ho ke ham
sinon men rah na paa.e to patthar men rah ga.e
bahar hi chhoḌ aa.e vo chehra jo ḳhaas tha
ik aam aadmi ki tarah ghar men rah ga.e
rusva unhen badan ke taqazon ne kar diya
kya log the jo TuuT ke pal bhar men rah ga.e
tum to ana ka ek jazira ho soch lo
aise ka.i jazire samundar men rah ga.e
Leave a Reply