yaad men teri jahan ko bhulta jaata huun main
bhulne vaale kabhi tujh ko bhi yaad aata huun main
ek dhundla sa tasavvur hai ki dil bhi tha yahan
ab to siine men faqat ik tiis si paata huun main
o vafa-na-ashna kab tak sunun tera gila
be-vafa kahte hain tujh ko aur sharmata huun main
arzuon ka shabab aur marg-e-hasrat haae haae
jab bahar aae gulistan men to murjhata huun main
‘hashr’ meri sher-goi hai faqat fariyad-e-shauq
apna gham dil ki zaban men dil ko samjhata huun main
Leave a Reply