yaad karne ke zamane se bahut aage hain
aaj ham apne Thikane se bahut aage hain
koi aa ke hamen DhunDega to kho ja.ega
ham na.e gham men purane se bahut aage hain
jism baaqi hai magar jaan ko miTane vaale
ruuh men zaḳhm nishane se bahut aage hain
is qadar ḳhush hain ki ham ḳhvab-e-faramoshi men
jaag jaane ke bahane se bahut aage hain
jo hamen pa ke bhi khone se bahut pichhe tha
ham use kho ke bhi paane se bahut aage hain
Leave a Reply