Hasrat Mohani
yaad kar vo din ki tera koi sauda.i na tha
bavajud-e-husn tu agah-e-rana.i na tha
ishq-e-roz-afzun pe apne mujh ko hairani na thi
jalva-e-rangin pe tujh ko naz-e-yakta.i na tha
diid ke qabil thi mere ishq ki bhi sadgi
jabki tera husn sargarm-e-ḳhud-ara.i na tha
kya hue vo din ki mahv-e-arzu the husn o ishq
rabt tha donon men go rabt-e-shanasa.i na tha
tu ne ‘hasrat’ ki ayaan tahzib-e-rasm-e-ashiqi
is se pahle e’tibar-e-shan-e-rusva.i na tha
Leave a Reply