dikhate hain ada kuchh bhi to aafat aa hi jaati hai
sambhal kar laakh chalte hain qayamat aa hi jaati hai
mohabbat men hain sabr-o-shukr ke har-chand ham qaa.il
magar kuchh kuchh kabhi lab par shikayat aa hi jaati hai
jo sach puchho to hain ashiq bhi pairav nazninon ke
badan men na-tavani se nazakat aa hi jaati hai
majaz ik parda-e-idrak hai to chashm-e-bina ko
kisi surat nazar shakl-e-haqiqat aa hi jaati hai
nahin jazb-e-dil-e-ashiq se hai ma.ashuq ko chara
agar bedard bhi ho to mohabbat aa hi jaati hai
butan-e-sim-tan ke vasl se ham faiz paate hain
vo aate hain to apne ghar men daulat aa hi jaati hai
tire ash.ar-e-rangin se bhala farhat na ho ‘ahqar’
ki in phulon se ḳhushbu-e-fasahat aa hi jaati hai
Leave a Reply