Qaid-E-Tanhai Se Qaid-E-Umr Mein Aa Jaunga

Majid Ul Baqri

qaid-e-tanha.i se qaid-e-umr men aa ja.unga

farq itna hai ki khana apne ghar ka kha.unga

saans ki zanjir ne jakḌe hain mere haath paanv

apni marzi se koi main kaam kya kar pa.unga

ye andheri raat aur be-samt sahra ka safar

dushmanon se bach gaya to ḳhud bhi Thokar kha.unga

aankh se dekhunga jab main hilte honTon ki sada

main bhi bahra ho gaya huun zor se chilla.unga

naar ab gulzar hone ke zamane ḳhatm hain

bhiik mangunga ḳhuda se giit sab ke ga.unga

zabta koi nahin hai barishon par munhasir

khet ke bijon men ‘majid’ phul-phal le a.unga