Yaad-e-Firaq-e-Yar Tera Shukriya Bahut

Ajmal Ajmali

yad-e-firaq-e-yar tira shukriya bahut

kal raat dil men dard hamare uTha bahut

kal raat tere gham ne lagai thi phir sabil

kal raat ham ne zahr-e-halahal piya bahut

muddat ke baad phir se mulaqat ho gai

ham ko udaas dekh ke roya kiya bahut

shayad nasim tera badan chhu ke aai thi

apni sahar men rang-e-qayamat raha bahut

‘ajmal’ na aap sa bhi koi saḳht-jan mila

dekhen hain ham ne yuun to sitam-ashna bahut