yaad aa jaati hai jab saaqi ke aa jaane ki tarah
ankhen bhar aati hain khun-e-dil se paimane ki tarah
garche kaifiyat khushi men us ki hoti hai do-chand
par qayamat lutf rakhti hai ye jhunjhlane ki tarah
hijr ke sadme na khinche un ne bulbul ki misal
aur hi sujhi thi parvane ko jal jaane ki tarah
kyuun abas khata hai bal naseh nahin chhutne ka dil
chak-chak ho kar phansa hai zulf men shane ki tarah
lazzaten diin ghafilon ko qasim-e-hushiyar ne
ishq ki qismat hui duniya men gham khane ki tarah
Leave a Reply