Tashna Azmi
kaise kahun ki aḳhiri apni uḌaan hai
is asman ke ba.ad bhi ik asman hai
zaḳhmon se chuur chuur badan lab pe jaan hai
aise men hauslon ka mire imtihan hai
allah-re ye shahr-e-nigaran ye mera dil
kachcha ghaḌa hai aur nadi men ufaan hai
mahlon men ho udaas to aa jaao lauT kar
mera vahin pe aaj bhi kachcha makan hai
tu ne diya jo zaḳhm vo bhar to gaya magar
dil par hamare aaj bhi us ka nishan hai
parcham hamare azm ka ab bhi buland hai
allah ka hai shukr vahi an-ban hai
‘tashna’ tu mushkilat se himmat na harna
be-shak ḳhuda-e-pak baḌa mehrban hai
Leave a Reply