Afroz Alam
mere samne
kai kaundhti talvaren tutin
dekhte dekhte
kai surma shahid hue
khirad-o-junun ki main ne
kai jangen dekhin
main ne dekha
surya-putra ko bebas hote
kai shahon ke aundhe pade parcham dekhe
ye aur baat ki
khamoshi meri fitrat hai
meri ankhen lekin kabhi band nahin hotin
bade tariqe se main sab pe vaar karta huun
mujhe parakhne ki zarurat kya hai
ki
main to samay huun
Leave a Reply