Iftikhar Haidar
arzuen na chhin ḳhvab na chhin
mera saman-e-iztirab na chhin
sar se ummid ka sahab na chhin
main ki sahra men huun sarab na chhin
hijr bechaini bebasi girya
ye mohabbat ka hai nisab na chhin
zaḳhm-e-dil ki na charasazi kar
mere siine ka mahtab na chhin
takne de hasin chehron ko
yaar mujh se mira shabab na chhin
ḳhatm hone na de siyahi-e-gham
mere lafzon ki ab-o-tab na chhin
dard maron ke dard likhne de
hai yahi ik rah-e-savab na chhin
khojna hai mujhe ḳhuda ka suragh
va.iza haath se kitab na chhin
Leave a Reply