vo zamana hai ki ab kuchh nahin divane men
naam leta hai junun ka kabhi anjane men
qismat apni hai ki ham nauhagari karte hue
karen zanjir-zani dil ke aza-khane men
kya hue log purane jinhen dekha bhi nahin
ai zamane hamen takhir hui aane men
in shikasta dar-o-divar ki surat ham bhi
bahut aseb-zada honge nazar aane men
apne abai makanon se palatte hue ham
kitne nazan hain koi din rahe virane men
ham to kuchh aur tarah hote the barbad ‘ata’
ab to kuchh aur se halat hain mai-khane men
Leave a Reply