ya to suraj jhuuT hai ya phir ye saaya jhuuT hai
aankh to is par bhi hairan hai ki kya kya jhuuT hai
muddaton men aaj dil ne faisla aḳhir diya
ḳhub-surat hi sahi lekin ye duniya jhuuT hai
ḳhuun men shamil achhuti ḳhushbuon ke saath saath
kyuun kahun mujh men jo bahta hai vo dariya jhuuT hai
zindagi ke baare itna hi kaha sach janiye
dasht men bhaTka hua jaise bagula jhuuT hai
Leave a Reply