ya phir tum ḳhvabon ke zariye aa jaana
jaise bhi ho lekin milne aa jaana
thoḌi der men duniya aane vaali hai
tum duniya se thoḌa pahle aa jaana
ab main apni zaat men baTne vaala huun
tum chaho to dil ke hisse aa jaana
mujh se milne ka jab bhi ji chahe to
bin kuchh samjhe bin kuchh soche aa jaana
main tum se kuchh duur hi huun gar chaho to
meri janib ghumte-phirte aa jaana
us se laḌ kar is ko satane ka man hai
vaqt pe ai kam-zarf irade aa jaana
tera rasta kitna pechida nikla
tu bola tha sidhe sidhe aa jaana
Leave a Reply