Syed Shakeel Desnavi
aaj phir vaqt koi apni nishani mange
baat bhuli hui zaḳhmon ki zabani mange
jazba-e-shauq ki varaft-e-husn-e-ib.ham
aur vo shoḳh ki lafzon ke ma.ani mange
araq-alud hain ye soch ke aariz gul ke
sub.h-e-ḳhurshid na shabnam ki javani mange
jaane kyuun shaam Dhale Dubte suraj ka saman
dil se phir bhuli hui koi kahani mange
vaqt har gaam pe ik zaḳhm naya deta hai
aur sha.ir se jahan zamzama-ḳhvani mange
dil ki tapte hue sahra ka hai rahrav pyare
phir tiri zulf se ik shaam suhani mange
Leave a Reply