ho kabhi gar tujh ko dariya ki ravani dekhna
to tu ham jaise divanon ki kahani dekhna
chaḌhte dekhi ek chyunTi main ne us divar par
us se sikha ḳhvab main ne asmani dekhna
dekhne bhar se tumhen hai milta is dil ko sukun
chahta huun tum ko saari zindagani dekhna
sher ke pahle hi misre men likha hai us ka naam
phir nahin hai ab to mumkin us ka saani dekhna
jis javani pe tumhen bhi aaj hai itna guman
ek din Dhal jaani hai saari javani dekhna
baiThna aa ke kisi shab saath mere aur phir
in ḳhush ankhon se to girye ki ravani dekhna
chahiye jitna main us ko baton men huun la chuka
ab badan pe vasl ki hai bas nishani dekhna
Leave a Reply