Siraj Aurangabadi
do-rangi khuub naiin yak-rang ho ja
sarapa mom ho ya sang ho ja
tujhe jyuun ghuncha gar hai dard ki bu
lahu ka ghunt pi dil-tang ho ja
kaha kis tarah dil ne tujh kuun ai gham
ki dil ki aarsi par zang ho ja
yahi aahon ke taron men sada hai
ki bar-e-gham siin kham jyuun chang ho ja
dua hai ai rah-e-gham tul-e-umr ka
qadam par hai to sau farsang ho ja
gale men daal rusvai ki alfi
alif khinch aah ka be-nang ho ja
birah ki aag men sabit-qadam chal
‘siraj’ ab shama ka ham-rang ho ja
Leave a Reply