chak-e-dil bhi kabhi silte honge
log bichhde hue milte honge
roz-o-shab ke unhi viranon men
khvab ke phuul to khilte honge
naz-parvar vo tabassum se kahin
silsile dard ke milte honge
ham bhi khushbu hain saba se kahiyo
ham-nafas rose na milte honge
subh zindan men bhi hoti hogi
phuul maqtal men bhi khilte honge
ajnabi shahr ki galiyon men ‘ada’
dil kahan log hi milte honge