Osaama Ameer
kitne asrar vahime men hain
ham ki masruf khojne men hain
ham-safar la-makan ko pahuncha
aur ham pahle marhale men hain
to abhi tak dikha nahin hai hamen
ham abhi tak muraqabe men hain
ye jo khiḌki ke paar manzar hai
mas.ala us ko dekhne men hain
apni apni hi fikr hai sab ko
apne apne hi da.ere men hain
va.iza intizar kar thoḌa
shaiḳh-sahib to mai-kade men hain
ye ḳhirad ko shikast denge miyan
ye to majnun ke qafile men hain
bhed jitne hain ka.enat andar
ek nuqte ke silsile men hain
Leave a Reply