ya ilahi mujh ko ye kya ho gaya
dosti ka teri sauda ho gaya
dosti kya ham-sari ka dhyan hai
qaid se azad itna ho gaya
kaisi azadi asiri chiiz kya
jab fana rang-e-tamanna ho gaya
jab tamanna aur Dar jaata raha
to har ik shai se mubarra ho gaya
yuun mubarra ho ga.i jab koi zaat
band phir naghma sifat ka ho gaya
jab hua ausaf se koi bari
aib kyunkar us men paida ho gaya
ḳhud-parasti is ko ya jo kuchh kaho
ab to ye aalam hamara ho gaya
be-ḳhudi ne mahv-e-hairat kar diya
aap men apna tamasha ho gaya
jis ko dekha aap hi aaya nazar
rang ab ‘kaifi’ ye apna ho gaya
Leave a Reply