Hari Chand Akhtar
hamara zikr dushman ki zabani dekhte jaao
fasana ban ga.i saari kahani dekhte jaao
zara ik chheḌ do zahid se qisse hur-o-ghilman ke
phir us kam-baḳht ki rangin-bayani dekhte jaao
Tapak le ḳhuun armanon ka ankhon se zara Thahro
miri luTti hui rangin javani dekhte jaao
kamal-soz gham-ha-e-nihani DhunDne vaalo
ma.al-e-soz gham-ha-e-nihani dekhte jaao
bahut charche the yaron men miri jadu-bayani ke
huzur-e-dost meri be-zabani dekhte jaao
Leave a Reply