Rasa Chughtai
husn-e-bazm-e-misal men kya hai
a.ine ke ḳhayal men kya hai
dekhti kya hai ai nigah-e-karam
mere dast-e-saval men kya hai
tu nahin hai to kaun hai mujh men
farq hijr o visal men kya hai
inqilabat-e-zindagi kya hain
gardish-e-mah-o-sal men kya hai
aap daman-kashan guzarte hain
rahguzar-e-ḳhayal men kya hai
baat iz.har-e-hal men kya thi
raaz iḳhfa-e-hal men kya hai
Leave a Reply