Ahmad Khayal
falak ke rang zamin par utarta hua main
tamam khalq ko hairat se marta hua main
do chaar saans men jiita huun ek arse tak
zara se vaqt men sadiyan guzarta hua main
jo mere samne hai aur dil-o-dimagh men bhi
chahar-samt usi ko pukarta hua main
mire nuqush pe kari-gari ruki hui hai
shikasta chaak se khud ko utarta hua main
tumhari jiit men pinhan hai meri jiit kahin
tumhare samne har baar harta hua main
Leave a Reply