Har Gam Sambhal Sambhal Rahi Thi

har gaam sambhal sambhal rahi thi

yadon ke bhanvar men chal rahi thi

sanche men khabar ke Dhal rahi thi

ik khvab ki lau se jal rahi thi

shabnam si lagi jo dekhne main

patthar ki tarah pighal rahi thi

rudad safar ki puchhte ho

main khvab men jaise chal rahi thi

kaifiyyat-e-intizar-e-paiham

hai aaj vahi jo kal rahi thi

thi harf-e-dua si yaad us ki

zanjir-e-firaq gal rahi thi

kaliyon ko nishan-e-rah dikha kar

mahki hui raat Dhal rahi thi

logon ko pasand laghzish-e-pa

aise men ‘ada’ sambhal rahi thi

Leave a Comment