Nazar Mein Unki Jo Kuchh Be-ruKHi Lage Hai Mujhe

nazar meñ un kī jo kuchh be-ruḳhī lage hai mujhe

ye saarī saut kī kārīgarī lage hai mujhe

milā jo maañ se vahī saas se bhī pyaar milā

jo tab lagā thā vahī aaj bhī lage hai mujhe

vo roz jaate haiñ bāzār saath sautan ke

ye baat un kī bahut hī burī lage hai mujhe

ye ḳhat meñ munnī ke paapā ne aaj likhā hai

jo tum nahīñ to ajab zindagī lage hai mujhe

milī kuchh aisī mohabbat har ek se ‘sajnī’

yahāñ pe merā har ik mudda.ī lage hai mujhe

Leave a Comment