Sewak Nayyar
mahfil men agar saqi-e-gulfam nahin hai
rindon ko mai-o-jam se kuchh kaam nahin hai
aram se hain aur sabhi log jahan men
ham ishq ke maron ko hi aram nahin hai
ai rahrav-e-rah-e-mohabbat ye samajh le
is raah men rahat ka kahin naam nahin hai
lazzat-kash-e-aghaz-e-mohabbat hai abhi dil
divane ko andesha-e-anjam nahin hai
kya aa.ega vo ahl-e-mohabbat ki nazar men
duniya-e-mohabbat men jo badnam nahin hai
pur-nur hai jo aks-e-ruḳh-e-yar se ‘nayyar’
us sub.h-e-munavvar ki koi shaam nahin hai
Leave a Reply