Pasban Ban Ke Irada Mere Aage Hoga

pāsbāñ ban ke irāda mire aage hogā

hogā pāyāb jo dariyā mire aage hogā

zer ho jā.egī har tīra-shabī āḳhir-kār

terī sūrat kā ujālā mire aage hogā

ab to maiñ aag se khelūñgā charāġhāñ kar ke

shahr tārīk ye saarā mire aage hogā

maiñ magar jā.ūñgā rakkhe hue āñkhoñ par haath

laakh rāhoñ meñ tamāshā mire aage hogā

ab maiñ is raah pe chal niklā huuñ ‘rāshid’ ki jahāñ

kuchh na hone kā nazāra mire aage hogā

Leave a Comment