Hassan Ahmad Awan
aise kuchh log bhi miTTi pe utare jaa.en
dekh kar jin ko ḳhad-o-ḳhal sanvare jaa.en
ek hi vasl ki tasir rahegi qaa.em
kaun chahega yahan saal guzare jaa.en
tere abru hain ki surat koi qausain ki hai
darmiyan aa ke kahin log na maare jaa.en
maahi us paar khaḌa aap ki raah takta hai
aap tazim karen aur kinare jaa.en
raushni chahiye kuchh der zara aur hamen
chand ruk jaa.e yahin aur sitare jaa.en
Leave a Reply