Shahryar

Aise Hijr Ke Mausam Kab Kab Aate Hain

aise hijr ke mausam kab kab aate hain

tere alava yaad hamen sab aate hain

jagti ankhon se bhi dekho duniya ko

khvabon ka kya hai vo har shab aate hain

jazb kare kyuun ret hamari ashkon ko

tera daman tar karne ab aate hain

ab vo safar ki taab nahin baaqi varna

ham ko bulave dasht se jab tab aate hain

kaghaz ki kashti men dariya paar kiya

dekho ham ko kya kya kartab aate hain

Leave a Comment