Kuchh to Wufur-E-Shauq Mein Bais-E-Imtiyaz Ho

kuchh to vufur-e-shauq men ba.is-e-imtiyaz ho

meri nazar ke samne un ki harim-e-naz ho

soz-e-durun-o-ah-e-dil ishq men donon ek hain

ham ko to ik surur hai soz ho ya ki saaz ho

vo dil nazara-kosh tera ye zauq-e-be-ḳhudi

jalve ki taab ho na ho un ki harim-e-naz ho

naaz hai shauq-e-afrin shauq hai shorish-e-dimagh

husn hai arzu-pasand ishq junun-navaz ho

zauq-e-talab ko ishq ne turfa sabaq ye de diya

nala-e-dil-ḳharash ban ah-e-jigar-gudaz ho

dil ki taḌap men ai ḳhuda kuchh to ho zauq-e-afiyat

dard vo de jo ishq men ba.is-e-imtiyaz ho

‘farhat’-e-arzu-pasand dars-e-niyaz-e-ishq ne

kucha-e-ma.arifat men aa shefta majaz ho