naz-butt

Mujhe Kuchh Dair Sone Do

suno janan

mujhe kuchh der sona hai

aur apni aankh ki putli men raqsan titliyon ke lams ko mahsus karna hai

suno janan

main ankhen band karti huun

to un makhmur lamhon men

tumhare reshmi ehsas ki ik narm si khushbu

navah-e-jism-o-jan men phail jaati hai

faza mahmez hoti hai

usi saaat hava-e-nim-shab nirmal suron men gungunati hai

tumhari yaad aati hai

to meri aankh ki putli men raqsan titliyan mujh ko satati hain

badan men phail jaati hain

suno janan

mujhe kuchh der sone do

visal-asar lamhon ka pata deti gulabi titliyon ke lams ko mahsus karne do

mujhe kuchh der sona hai

mujhe kuchh der sone do

More Poems

Leave a Comment