raton ke ḳhauf din ki udasi ne kya diya
saa.e ke taur leT ke chalna sikha diya
kamre men aa ke baiTh ga.i dhuup mez par
bachchon ne khilkhila ke mujhe bhi jaga diya
vo kal sharab pi ke bhi sanjida hi raha
is ehtiyat ne use mujh se chhuḌa diya
jab koi bhi utar na saka mere jism men
sab haal main ne sirf usi ko suna diya
apna lahu nichoḌ ke dekhunga ek din
jiine ke zahar ne use kya kuchh bana diya
Leave a Reply