Sajid Sajni
vo mere paas jin raton men hoga
maza kuchh aur hi baton men hoga
abhi kuchh kuchh jhijak hai be-takalluf
kahin do ik mulaqaton men hoga
nazar aa.egi us men shakl meri
jo a.ina tire hathon men hoga
ye kab samjhi thi main shadi ke pahle
mira sab kuchh tire hathon men hoga
main agli pichhli manva lungi us se
kabhi jab mehrban raton men hoga
na us ke jul men ab tak aa.i ‘sajni’
magar ab bhi mua ghaton men hoga
Leave a Reply