ya ilahi mira dildar salamat bashad
vo vali nemat-e-didar salamat bashad
nek-o-bad se hai miri khatir-e-nashad azad
gham-gusar apna gham-e-yar salamat bashad
na rakhi dil men hamare tama-e-kham-e-visal
rashk-e-aghyar ka azar salamat bashad
gar na de sharbat-e-unnab mujhe vo lab-e-lal
ishva-e-nargis-e-bimar salamat bashad
khaksaron ka koi go na hue pusht-panah
sar pe vo saya-e-divar salamat bashad
us sag-e-ku ki nahin kuchh mujhe muddat se khabar
vo mira yar-e-vafadar salamat bashad
qatl-e-ashiq ke taiin go hove yak shahr gavah
vo tira naaz se inkar salamat bashad
mard-e-haq ka rahe duniya men alam-e-nam buland
nahin mansur agar daar salamat bashad
yaar ki mehr-o-muravvat pe na rakh dil ‘hasrat’
ye tira ishq ka izhar salamat bashad
Leave a Reply