Qaisar Siddiqi
aarzu nakam ho kar rah ga.i hai
zindagi ilzam ho kar rah ga.i hai
ḳhvab ta.abiron ke ma.ani puchhte hain
niind be-anjam ho kar rah ga.i hai
yaad bhi qatil ki hai shamshir qatil
raat ḳhun-asham ho kar ga.i hai
vaqt ne dastar ki surat badal di
ab to ye ehram ho kar rah ga.i hai
zahr men Duubi hui ik muskurahaT
maut ka paigham ho kar rah ga.i hai
nachti hain dhaan ke kheton men pariyan
ye ghaTa in.aam ho kar rah ga.i hai
guftugu-e-dil ba-unvan-e-mohabbat
sar-ba-sar ilzam ho kar rah ga.i hai
gardish jam-o-subu ko kya hua hai
gardish-e-ayyam ho kar rah ga.i hai
Leave a Reply