poshida kyuun hai tuur pe jalva dikha ke dekh
ai dost meri tab-e-nazar aazma ke dekh
phulon ki tazgi hi nahin dekhne ki chiiz
kanTon ki samt bhi to nigahen uTha ke dekh
leta nahin kisi ka pas-e-marg koi naam
duniya ko dekhna hai to duniya se ja ke dekh
dil men hamare dard zamane ka hai nihan
paivast dil men saikḌon paikan jafa ke dekh
jo bada-ḳhvar-e-gham hain unhen bhi kabhi kabhi
saaqi sharab-e-husn ke saghar pila ke dekh
ban ja.ega kabhi na kabhi dard hi dava
‘as.ad’ ke dil men dard ki shiddat baḌha ke dekh
Leave a Reply