Poet
ab tegh ki baten hain na talvar ki baten
karte nahin divane bhi ab daar ki baten
har haath masiha hai to har god hai mariyam
bimar samajh lete hain bimar ki baten
kahte hain magar ghair se afsana-e-janan
janan se kiye jaate hain aghyar ki baten
adab-e-rifaqat se shanasa hui jab se
bulbul ne aqidat se suni ḳhaar ki baten
tapte hue suraj ke tale unghta bachcha
karte raho us se gul o ashjar ki baten
paband-e-salasil hai use khul ke sunao
zanjir ke qisse kabhi jhankar ki baten
rakh rakh ke tarazu men mira daftar-e-a.amal
tolenge gunahgar gunahgar ki baten
ḳhamoshi men pinhan hai mire dard ki avaz
baton se alava hain dil-e-zar ki baten
Leave a Reply