Poet
ta-dasht-e-adam ah-e-rasa le gai mujh ko
jab khaak hua main to hava le gai mujh ko
koson mai-e-gulgun ki hava le gai mujh ko
ye laal pari ghar se uda le gai mujh ko
muddat se na milti thi kahin raah adam ki
us shokh ke kuche men qaza le gai mujh ko
tha zoaf men sauda kisi sahra-e-junun ka
vahshat mire ghar aa ke bula le gai mujh ko
‘jauhar’ taraf-e-kucha-e-janan jo gaya main
kya jaane kidhar ki ye hava le gai mujh ko
Leave a Reply