nikhat-iftikhar

Shauq Ko Aazim-E-Safar Rakhiye

shauq ko azim-e-safar rakhiye

be-khabar ban ke sab khabar rakhiye

chahe nazren ho asmanon par

paanv lekin zamin par rakhiye

baat hai kya ye kaun parkhega

aap lahje ko pur-asar rakhiye

jaane kis vaqt kuuch karna ho

apna saman mukhtasar rakhiye

ek tuk mujh ko dekhe jaati hain

apni nazron pe kuchh nazar rakhiye

More Poems

Leave a Comment